Selebrá bida
Nos ta un pueblo ku gusta selebrá okashonan importante den transkurso di nos bida. Boutismo, risibimentu i kasamentu, tur nos ta duna un toke spesial. Pero dikon ora ta trata di entiero ta tarda pa pensa riba esaki? Meskos ku eventonan di bida, bo entiero tambe ta un evento spesial. Bo mes por soru pa bo sernan kerí por tuma despedida di bo na mes manera ku nan a selebrá bida huntu ku bo.
Gastunan inesperá
Un entiero kasi semper ta inesperá. Esei ta nifiká ku tin ku regla hopi kos den korto tempu i si bo no ta bon sigurá bo gastunan por akumulá drástikamente. Lastimamente hopi famia no por kumpli ku deseonan di nan ser keri pa motibu di gastunan inesperá. Awendia un entiero básiko mes ta kosta entre 6.000 ku 10.000 florin. Si bo ta deseá algu mas elaborá, e gastunan por bula 12.000 florin. Tene na kuenta ku e gastunan por subi anualmente. Bo sernan kerí tin ku dil ku e pèrdida di un persona stimá. No ta hustu pa duna nan e responsabilidat èkstra pa e gastunan aki tambe.
E ta bo responsabilidat!
Bo seguro di entiero ta e úniko seguro ku lo wòrdu uzá garantisá i ounke ku bo mes no tei mas, e ta abo su responsabilidat. Esei ta nifiká ku bo mester ta bon prepará. Nos ta invitábu pa bishitá nos ofisina òf pasa serka un di nos konseheronan di seguro pa risibí un splikashon detayá di e diferente opshonnan, sumanan sigurá i kantidat di prima.